قسم ہے اُن (گھوڑوں) کی جو پھُنکارے مارتے ہوئے دَوڑتے ہیں،¹

پھر (اپنی ٹاپوں سے) چِنگاریاں جھاڑتے ہیں،²

پھر صبح سویرے چھاپہ مارتے ہیں، ³

پھر اس موقع پر گَردوغبار اُڑاتے ہیں،

پھر اِسی حالت میں کسی مجمع کے اندر جا گھُستے ہیں۔

حقیقت یہ ہے کہ انسان اپنے ربّ کا بڑا ناشکرا ہے، ⁴

اور وہ خود اِس پر گواہ ہے، ⁵

اور وہ مال و دولت کی محبت میں بُری طرح مُبتلا ہے۔ ⁶

تو کیا وہ اُس وقت کو نہیں جانتا جب قبروں میں جو کچھ (مدفون) ہے اُسے نکال لیا جائے گا، ⁷

اور سینوں میں جو کچھ (مخفی) ہے اُسے بر آمد کر کے اس کی جانچ پڑتال کی جائے گی؟ ⁸

یقیناً اُن کا ربّ اُس روز اُن سے خوب باخبر ہوگا۔ ⁹ ؏۱