جب زمین اپنی پُوری شدّت کے ساتھ ہلا ڈالی جائے گی، ¹

اور زمین اپنے اندر کے سارے بوجھ نکال کر باہر ڈال دے گی، ²

اور انسان کہے گا کہ یہ اِس کو کیا ہو رہا ہے، ³

اُس روز وہ اپنے (اُوپر گزرے ہوئے) حالات بیان کرے گی، ⁴

کیونکہ تیرے ربّ نے اُسے (ایسا کرنے کا) حکم دیا ہوگا۔

اُس روز لوگ متفرق حالت میں پلٹیں گے ⁵ تاکہ اُن کے اعمال اُن کو دکھائے جائیں۔ ⁶

پھر جس نے ذرّہ برابر نیکی کی ہوگی وہ اس کو دیکھ لے گا،

اور جس نے ذرّہ برابر بدی کی ہوگی وہ اس کو دیکھ لے گا۔ ⁷ ؏۱