(اے نبیؐ )اپنے ربِّ برتر کے نام کی تسبیح کرو ¹

جس نے پیدا کیا اور تناسُب قائم کیا، ²

جس نے تقدیر بنائی ³ پھر راہ دکھائی، ⁴

جس نے نباتات اُگائیں ⁵

پھر اُن کو سیاہ کُوڑا کرکٹ بنا دیا۔ ⁶

ہم تمہیں پڑھوا دیں گے، پھر تم نہیں بھولو گے ⁷

سوائے اُس کے جو اللہ چاہے، ⁸ وہ ظاہر کو بھی جانتا ہے اور جوکچھ پوشیدہ ہے اُس کو بھی۔ ⁹

اور ہم تمہیں آسان طریقے کی سہولت دیتے ہیں،

لہٰذا تم نصیحت کرو اگر نصیحت نافع ہو۔ ¹⁰

جو شخص ڈرتا ہے وہ نصیحت قبول کر لے گا، ¹¹

اور اس سے گریز کرے گا وہ انتہائی بد بخت

جو بڑی آگ میں جائے گا،

پھر نہ اس میں مرے گا اور نہ جیے گا۔ ¹²

فلاح پا گیا وہ جس نے پاکیزگی اختیار کی ¹³

اور اپنے ربّ کا نام یاد کیا ¹⁴ پھر نماز پڑھی۔ ¹⁵

مگر تم لوگ دنیا کی زندگی کو ترجیح دیتے ہو، ¹⁶

حالانکہ آخرت بہتر ہے اور باقی رہنے والی ہے۔ ¹⁷

یہی بات پہلے آئے ہوئے صحیفوں میں بھی کہی گئی تھی،

ابراہیمؑ اور موسیٰؑ کے صحیفوں میں۔ ¹⁸ ؏۱